MAHAFALI YA 11 AMUCTA: DKT. MBOYA AWAASA WAHITIMU KUITUMIA ELIMU WALIYOIPATA KWA MAENDELEO YA TAIFA

Posted on: November 29th, 2025

Mahafali ya 11 ya Chuo Kikuu Kishiriki cha Askofu Mihayo (AMUCTA)yamefanyika kwa mvuto wa kipekee, yakihudhuriwa na viongozi wa chuo, wanafunzi,wazazi na wadau mbalimbali wa elimu. Katika mahafali haya, jumla ya wahitimu 491 wametunukiwa shahada na astashahadakatika fani tofauti zinazoliwezesha taifa kupata wataalam mahiri na wenyemisingi imara ya uadilifu.

Makamu Mkuu wa Chuo Kikuu cha Askofu Mihayo, Rev. Prof. Juvenalis Asantemungu, alielezakuwa wahitimu wa mwaka huu wanatoka katika programu mbalimbali za kitaalumaambazo ni: Shahada ya Sanaa na Ualimu,yenyewahitimu 14, Shahada ya Elimu Maalum yenye wahitimu 436, Shahada ya Usimamiziwa Biashara yenye wahitimu 3, Stashahada ya Elimu ya Awali na Elimu Maalumyenye wahitimu 28, pamoja na Astashahada ya Elimu ya Awali na Elimu Maalumyenye wahitimu 10. Alisisitiza kuwa idadi kubwa ya wahitimu wa elimumaalum inaonesha dhamira ya chuo kuendelea kuweka nguvu katika eneo muhimu kwaustawi wa jamii, hususani kuwafikia watoto wenye mahitaji maalum ya kielimu.

Katika hotuba yake, Prof. Asantemungualiwakumbusha wahitimu umuhimu wa kutafsiri maarifa na ujuzi waliopata chuonikwa vitendo, akiwataka kutumia elimu yao kuwatumikia Watanzania na jamii yakimataifa kwa umakini, maadili na ubunifu.

“Wanaohitimuleo wanaondoka wakiwa na maarifa na ujuzi wa kutosha kwenda kuyatafsiri kwavitendo yale waliyojifunza ili kuwahudumia Watanzania na hata wale walio nje yaTanzania,” alisema.

Mgenirasmi, Katibu Tawala wa Mkoa wa Tabora Dkt. John Mboya, aliwapongeza wahitimu kwa kumalizavyema safari yao ya masomo. Aliwapongeza pia walimu, wasimamizi na uongozi wachuo kwa kuandaa wataalam wanaokidhi mahitaji ya taifa. Aliwasihi wahitimukutumia maarifa kwa kutatua changamoto za wananchi, kuanzisha biashara,kuonyesha ubunifu na kuchangamkia fursa za maendeleo.

Aidha, Dkt. Mboya alitoa wito kwa wahitimukuzingatia maadili, nidhamu ya fedha na stadi za maisha, akiwatahadharishadhidi ya maisha ya anasa na madeni yasiyo ya lazima.

“Kosa kubwala wahitimu wengi siku hizi, pesa ikija ndio wanaanza kufikiria. Mjitahidikutengeneza tabia ya kuweka akiba hata kama ni kiasi kidogo na kuepuka madeniyasiyo ya lazima,” alisisitiza.

Dkt. Mboya alifafanua kuwa Serikali ya Jamhuriya Muungano wa Tanzania chini ya uongozi wa Mhe. Dkt. Samia Suluhu Hassan inaendelea kuboreshamazingira ya vijana kupitia mageuzi ya mitaala, ujenzi wa shule za amali,kukuza ujuzi wa ubunifu, pamoja na utoaji wa mikopo yenye masharti nafuu.

Katika hatua ya kuongeza tija kwa chuo,aliahidi kulifanyia kazi ombi la AMUCTA la kupima upya eneo la chuo ili kuondoasehemu inayoguswa na mradi wa reli ya SGR.

Katika kuhitimisha hotuba yake, mgeni rasmialiwasihi vijana kuepuka kushiriki maandamano na vurugu, akisisitiza kuwaserikali ipo tayari kusikiliza hoja za wananchi na kuzifanyia kazi kwa weledina busara.

Mahafali haya yametoa picha ya wazi kuhusunafasi ya AMUCTA katika ujenzi wa taifa, hususani katika kuimarisha elimu maalum, ukuzaji waualimu imara, uongozi wa kiuchumi, na uendelezaji wa stadi muhimu kwa kizazikijacho. Wahitimu hawa wanatarajiwa kuwa nguzo muhimu katika kuboreshamazingira ya kujifunzia, kuendeleza haki ya upatikanaji wa elimu jumuishi,kuimarisha ustawi wa jamii, na kuchangia katika maeneo mengine ya maendeleo yakiuchumi na kijamii ndani na nje ya Tanzania.