MILIONI 750 ZATUMIKA KUJENGA BARABABARA YA LAMI USOKE

Posted on: September 17th, 2023

Picha zikionesha Uzinduzi wa Mradi wa ujenzi wa barabara ya lami Usoke-Center 1 yenye urefu wa Kilomita 1.5 iliyopo Usoke Wilayani Urambo. Imesimamiwa na TARURA ambapo jumla ya shilingi milioni 750 zimetumika kukamilisha mradi huo ambao umekamilika kwa asimia 100 na tayari umeshanza kutumika  na Wananchi wa Usoke.

Mradi huu wa ujenzi wa barabara ya lami Usoke-Center 1 ni miongoni mwa miradi nane (8) ambayo imepitiwa na kuzinduliwa na Mwenge wa Uhuru katika Halmashauri ya Wilaya ya Urambo. Ambapo Mapema leo Mkuu wa Wilaya  ya Urambo Mhe. Kenani Kihongosi aliupokea kutoka Wilaya ya Kaliua

Mwenge wa Uhuru uliwasili Mkoani Tabora  Septemba 14, 2023 na kupokelewa na Mkuu wa Mkoa Mhe. Balozi Dkt. Batilda Salha Burian  katika Viwanja vya Shule ya Sekondari Kiloli, Wilayani Sikonge. ambapo utahitimisha mbio zake ukiwa umezindua jumla ya miradi 50 yenye thamani ya Shilingi Bilioni 22.2 na kukabidhiwa Mkoa wa Singida Septemba, 21, 2023.

Kauli Mbiu ni "Tunza Mazingira, Okoa Vyanzo vya maji kwa ustawi wa Viumbe Hai na Uchumi wa Taifa.