TABORA YAZIDI KUFUNGUKA KIMATAIFA

Posted on: July 26th, 2023

Leo Julai 26, 2023 Mkuu wa Mkoa wa Tabora Mhe. Balozi Dkt. Batilda Salha Burian amewapokea wageni kumi (10) kutoka Afrika Kusini ambao wamekuja Mkoani Tabora kwa Lengo la kujifunza masuala ya Ufugaji Nyuki. Ugeni huu utakuwa na ziara ya siku tatu (3).

Ikubukwe, Mkoa wa Tabora  ulishiriki Kongamano la ufugaji nyuki la APIMONDIA la Bara la Afrika lililofanyika Durban nchini Afrika Kusini kuanzia tarehe 21-24 Machi, 2023 ambalo lilikutanisha wadau wa asali kutoka duniani kote. Mkoa wa Tabora ulifanikiwa kutuma wajumbe wake ambao walifanikiwa kuitambulisha asali ya Tabora katika viwango vya ubora vya kimataifa na kupatiwa cheti.